(未設定內容)誠久無講台灣俗語,這馬講一寡較早民間嫁娶的禮俗佮四句聯仔,共大家趣味回想一下:
以前的人嫁娶攏靠媒人紹介,所以有法度娶好某嫁好尪,找媒人真重要,
有一寡靠做媒人賺食的媒人喙,真正糊纇纇,講一寡雙關語,你若無詳細聽尾聲,
安呢就會吃虧。
舉一个例來講:女方問看男方家境啥款,媒人講:蕃薯著買米免糴,一年三頓的清米飯,
豬肉過年食到今,(人因)老父予伊的財產伊攏(勿會)去開佮(勿會)去博,
蹛佇市政府後壁,出門車仔來車仔去,菜店行到戶椗斷;
男方問女方如何,查某囡若媠,媒人講查某囡仔真媠,若是拄著彼款人看人驚,
鬼看倒退行,媒人就講查某囡仔真乖,問講做工課啥款。
媒人講:乾礁二項袂曉做爾爾.親情講定,雙方嫁娶日子選定,八音'鼓吹'花轎'禮品迎娶,
新郎猶未踢轎門,媒人先摜一桶鉛粉進入大廳,大聲講:人未到緣先到,歸家疼透透,
鉛粉掖上懸,子孫出狀元,鉛粉掖落低,買田佮進地,鉛粉膨膨坱,金銀財寶滿厝間。
這个時陣新娘欲進來拜堂戶椗內囥一塊瓦,
媒人就講:踏破瓦才會趁有食,踏乎啐啐啐,萬年大富貴,廳中央囥一个烘爐,新娘跨過;
媒人講:烘爐囥火炭,囝孫代代湠,火炭點火,予您趁家伙,閣來開始拜堂兼進房,
四句聯仔按怎講,請看後回分解,咾力
全站熱搜
留言列表